उदयपुरकी अनुमा चौधरी नेपाल आईडलको दोस्रो चरणमा (भिडियो सहित)

कला र गलाको सम्मान अनि प्रोत्साहन गर्दै नेपालमा पनि राष्ट्रिय र स्थानिय स्तर बाट गायन प्रतियोगिता निकै हुने गरेको छ । कोहि सफल भएर प्रतियोगी तथा बिजेतालाई अवसर दिएका छन् भने कोहि नाममा मात्र सिमित रहेको उदाहरण पनि कम छैन् । यहि क्रममा हाल सम्मकै बृहत अन्तर्राष्ट्रिय स्तरको आईडल अर्थात नेपाली संगितप्रेमीको लागि नेपाल आईडल शुरु भएको छ ।

बिराटनगर, बिरगंज, चितवन, पोखरा, बुटवल, नेपालगंज र काठमाडौं गरि ७ सहरहरुबाट नेपाल आईडलको अडिसन लिइएको छ । छानिएका सबैले आईडलको अन्तराष्ट्रिय मापदण्ड अनुरुप विभिन्न ५ चरण पार गर्नुपर्ने छ । नेपालमा नेपाल आईडलको नामले संचालन हुन लागेको यो प्रतियोगिता नेपालमा हाल सम्मको बृहत र सबै भन्दा हो । निर्णायक जजको रुपमा नेपालका चर्चित न्ह्यू बज्राचार्य, इन्दिरा जोशी र कालीप्रसाद बास्कोटा रहेका छन् ।

विश्वब्यापी रुपले स्थापित हुदै गएको यो आईडलको नेपाल सस्करण भने पहिलो पटक हुन लागेको हो । अब प्रतिभा जाने छैन खेर भन्ने मूल नाराको साथ नेपाल आईडलको प्रसारण एपीवान टेलिभिजनले प्रसारण गरिराखेको छ । प्रतियोगिताको बिजेताले महिन्द्राको क्युव १०० कार, २० लाख नगद र १५ लाख बराबरको एल्बम कन्ट्राक प्राप्त गर्ने छ ।