कोशी प्रदेशमा झोला बोकेर योजना माग्ने युगको अन्त्य

अन्जनी कुमार अधिकारी

उदयपुर। कोशी प्रदेश योजना आयोगका उपाध्यक्ष डा. राजेन्द्र अधिकारीले योजना माग गर्न झोला बोकेर मन्त्रालय धाउनु पर्ने युगको अन्त्य गरिएको बताउनु भएको छ ।

बर्तमान कोशी प्रदेश सरकारले प्रदेश आयोजना बैंकको निर्माण गरेर आगामी आर्थिक बर्ष देखी स्थानीय तहमा आवस्यक योजनाको सुची तयार पारेर योजना बैंकमा सुचीकृत गर्न थालेको भन्दै अब उप्रान्त योजनाको झोला बोकेर मन्त्रालय धाउने युगको अन्त्य हुने उपाध्यक्ष अधिकारीले बताउनु भएको हो ।

बुधबार उदयपुर जिल्लाको चौदण्डीगढी नगरपालिकामा कोशी प्रदेशका बिषयगत मन्त्रालयको सहकार्य र प्रदेश योजना आयोगको आयोजनामा आयोजित आयोजना छनोट तथा आयोजना बैंक सम्बन्धि अभिमुखीकरण र वार्षिक योजना तर्जुमा उपाध्यक्ष अधिकारीले सो कुरा बताउनु भएको हो।

कोशी प्रदेश सरकरलेले आयोजना छनोटको मापदण्ड निर्माण गरेर आयोजना बैंकमा पालिकाका योजनाहरु समावेस गर्न भनेको छ । कोशी प्रदेश सरकारले अब योजना बैंकमा समावेश भएका आयोजनालाई प्रथामिकताका आधारमा बजेट विनियोजन गर्दै जाने समेत बताएको छ ।

कोशी प्रदेश सरकारले लागतका आधारमा साझा अधिकारका बिषयमा ३ करोडभन्दा माथि ५० करोडसम्म अनुमानित लागतको आयोजना प्रदेश सरकारले संचालन गर्ने जनाएको छ भने एकल अधिकारका बिषयमा १ करोडभन्दा कामका आयोजनामा प्रदेश सरकारले काम नगर्ने बताएको छ ।

बर्तमान हिक्मत कुमार कार्कीको मन्त्रिपरिषदको क्याबिनेटले कानु बनाएर आयोजना बैंक मार्फत प्रदेशका आयोजना छनोट गर्न सुरु गरिएको समेत उपाध्यक्ष अधिकारीले जानकारी दिनु भयो । वहाँले यसरी आयोजना बैंक मार्फत प्रदेशको योजनाको पहिचान गरेर काम गर्दा सबै आयोजनालाई न्याय हुने र प्राथमिकताका आधारमा काम हुने समेत दावी गर्नु भयो । अधिकारीले यस अघि प्रदेश सरकारले काम गरेर अधुरा रहेका आयोजनालाई प्रदेश सरकारले बिशेष आयोजनाका आधार र प्राथमिकताका आधारमा सम्पन्न गर्दै लैजाने समेत बताउनु भयो ।

बुधबारको कार्यक्रम कोशी प्रदेश सभाका उपसभामुख सृजना दनुवारको प्रमुख आतिथ्यतामा भएको थियो भने कार्यक्रममा कोशी प्रदेश सभा सदस्यहरु राजन किराती, लिला कुमारी राई, सम्झना पाख्रिन बेलका र चौदण्डीगढी नगरपालिकाका मेयरहरू अशोक कार्की, कालुमान लामा उपप्रमुखहरू जिरा राई, मणिकादेवी दुलाल, वडा अध्यक्षहरु, कार्यपालिका सदस्यहरु, मन्त्रालयका कर्मचारी, पालिकाका प्रमुख प्रशासकीय अधिकृत, संचारकर्मी लगायत उपस्थिति रहेको थियो ।