उदयपुरमा दनुवारी खाना परिकार तथा सांस्कृतिक महोत्सव सम्पन्न (फोटो फिचर)

गाईघाट । उदयपुरको त्रियुगा नगरपालिका वडा न ८ स्थित वैेरेनीमा दुई दिने दनुवारी खाना महोत्सव भब्य रुपमा सम्पन्न भएको छ ।

दनुवार जातीको संस्कृति संरक्षण गर्ने उद्यश्यले महिला सशक्तिकरण श्रोत केन्द्र राजावासको आयोजनामा महोत्सव सम्पन्न भएको हो । खाना महोत्सवमा १५ वटा दनुवारी खानाका स्टल राखिएको छ भने दनुवार जातीले माछा मार्न प्रयोग गर्ने विभिन्न प्रकारका सामान, चट्टाई गुन्द्री ढडिया, थुन्से लगायतका सामानहरु प्रदर्शनीमा राखिएको आयोजक संस्था महिला सशक्तिकरण श्रोत केन्द्रकी कार्यकारी निर्देशक वन्दना दनुवार जानकारी दिनु भयो ।

महोत्सवबाट आगामी बर्ष न्वागी पर्व मनाउने घोषणा गरिएको छ । न्वागी पर्व मनाउन केन्द्रदेखि गाउसम्मको दनुवार समाजको कमिटीहरुमा स्मरण गराउन स्मरणपत्रसमेत प्रदान गरिएको छ ।

महोत्सवका प्रमुख अतिथी कोशी प्रदेश सभाकी उपसभामुख सिर्जना दनुवारले दनुवारी खाना महोत्सवले समाजिक र आर्थिक अवस्थालाई बलियो बनाउन सहयोग गर्नुका साथै हराउदै गएको संस्कृतिका बारेमा जानकारी पाउने, आर्थिक अवस्था सुधार गर्न पनि मद्दत पुग्ने बताउनु भयो ।

उपसभामुख दनुवारले महोत्सवले विपन्न परिवारका समुदायको उत्थानमा केही हदसम्म भए पनि टेवा पुग्ने र होमस्टे संचालनमा सहयोग पुग्ने बताउनु भयो ।

नेपालमा रहेका आदिवासी जनजातीको कला धर्म र संस्कृतिको संरक्षण गर्न महोत्सवको आयोजना गरिएको आयोजक संस्थाको प्रमुख बन्दना दनुवारले जानकारी दिनु भयो ।

उपसभामुख दनुवारले महोत्सवले विपन्न परिवारका समुदायको उत्थानमा केही हदसम्म भए पनि टेवा पुग्ने र होमस्टे संचालनमा सहयोग पुग्ने बताउनु भयो ।
त्रियुगा नपाका उप प्रमुख महेश्वरी राईले नेपालमा रहेका आदिवासी जनजातीले आयोजना गर्ने महोत्सवले स्थानीय समुदायको प्रवर्धन हुने र भाषा कला साहित्यतिर पनि पहिचानकालागि आवश्यक पहल गर्नु पर्ने कुरामा जोड दिनु भयो ।

कार्यक्रममा काभ्रेको पाँचखाल नगरपालिकाकी उप प्रमुख सुर्यमाया दनुवारले दनुवार कुनै उपजाती वा उप थर नभएको बताउदै दनुवार जातीलाई माझी जातीको उपजातीमा राखेकोमा आपती जनाउदै सो सच्याउनु पर्ने बताइन ।
कार्यक्रममा आदिवासि जनजाती महासंघ जिल्लासमन्वय परिषद उदयपुरका अध्यक्ष डिबि गुरुङ , सिन्धुपाल्चोकको मेलम्ची नगर आदिवासी जनजाती महासंघ अध्यक्ष रामभक्त दनुवार, त्रियुगा नपा ९ का वडाध्यक्ष राजकुमार दनुवार,नजवुल खान, नेकपा एमाले उप सचिव गंगा राई, धन बहादुर दनुवार, सिर्जना पौडेल, त्रिनपा ८ का वडाध्यक्ष राज कुमार राउत, त्रियुगा नपा ७ का वडाध्यक्ष अमर बहादुर दनुवार, नेकपा एकिकृत समाजवादीका अध्यक्ष विनोद खड्का लगाएतले महोत्सव सफलताको शुभकामना दिनु भएको थियो ।

महोत्सवमा दनुवारी समाजबाट हराउदै गएको सांस्कृतिक पक्षका र परम्परागत नृत्यहरु प्रस्तुत गरिनुका साथै मकै गोड्दा गाइने रामदली गीत समेत प्रस्तुत गरिएको थियो ।
उदयपुरको त्रियुगा नगरपालिकामा आदिवासी जनजातीमा सुचिकृत दनुवार समुदायको बाक्लो बसोवास रहेको छ भने अहिले सामाजिक, आर्थिक राजनीतिक शैक्षिक क्षेत्रमा दनुवार समुदाय निकै अघि बढिरहेको छ ।

महिला सशक्तिकरण श्रोत केन्द्रकी कार्यकारी निर्देशक वन्दना दनुवारको स्वागत मन्तव्यबाट शुरु भएको सो कार्यक्रमको अध्यक्षता दनुपार समाजका अध्यक्ष केदारकुमार दनुवारको अध्क्षतामा भएको थियो ।