शनिवार बेल्टारमा चर्चित गायिका अन्जु पन्त आउने

बेल्टार। गत बुधबार चौदण्डीगढी नगरपालिकाको केन्द्र बेल्टारमा बजारमा उद्घाटन भएको “बेल्टार मिनी महोत्सव २०८०”मा भोली शनिवार चर्चित गायिका अन्जु पन्त आउने आयोजकले जानकारी दिएको छ ।

अन्जु पन्त नेपाली गीत संगीत क्षेत्रमा चर्चित नाम हो । उनले न बिर्सें तिमीलाई…, म तिमि बिना मरिहाल्छु…., सुर्के थैली खै…., ‘म यस्तो गीत गाउँछु….’, ‘भन्छु आज….’, तिमि रोएको पल… लगायत दर्जनौ चर्चित गीतहरुमा आफ्नो आवाज दिएकी छिन । उनी चर्चित गायिकाले शनिवार बेल्टार तताउने भएकी हुन ।

बुधबार बाट सुरु भएको महोत्सव चैत ६ गते सम्म संचालन हुने बेल्टार जिम एण्ड फिटनेसका अध्यक्ष मिलन रिजाले बताए । उनका अनुसार महोत्सव बेल्टार जिम एण्ड फिटनेस चौदण्डीगढी ६ को सहयोगार्थ संचालन गरिएको हो ।