चौदण्डीगढी मेयरकपमा वडा नं ९ लाई पराजित गर्दै वडा नं ४ सेमिफाइनलमा प्रवेश

अन्जनी कुमार अधिकारी
बेल्टार। चौदण्डीगढी नगरपालिकामा संचालित चौथो मेयर कप फुटबल प्रतियोगिताको मंगलबार सम्पन्न खेलमा वडा नं ४ बिजयी भएको छ। प्रतियोगिता अन्तर्गत मंगलबार भएको खेलमा वडा नं ९ लाई ० का बिरुद्ध ७ गोल अन्तरले पराजित गर्दै वडा नं ४ बिजयी भएको हो। वडा नं ९ लाई फराकिलो गोल अन्तरले पराजित गरेको वडा नं ४ सेमीफाइनलमा प्रवेस गरेक छ।
मंगलबार भएको खेलमा वडा नं ४ लाई जित दिलाउन जर्सी नं १५ का निस्चल राइले खेलको १०औ मिनेट, ४४औं र ४५औं मिनेटमा गरी ३ गोले गरे भने क्यापटेन समेत रहेका जर्सी नं ८ का नवल तमाङले खेलको २४औं र ५९औं मिनेटमा गरी २ गोल गरे। वडा नं ४ लाई जित दिलाउन जर्सी नं ९ का संगम मगरले ७४औं मिनेट र जर्सी नं १४ का बमुन राइले ७५औं मिनेटमा गरी समान एक एक गोल गरे। मंगलबार भएको खेल्मा म्यान अफ द म्याच वडा नं ४ जर्सी नं १५ का निस्चल राइ भएका थिए।
प्रतियोगिता अन्तर्गत बुधवार वडा नं ८ र वडा नं १० बिच दिउसो २:३० बजे बाट नगरको वडा नं ७ स्थित रामप्रसाद राइ रंगशालामा  खेल सुरु हुने आयोजक चौदण्डीगढी नगरखेलकुद बिकास समितीका सचिव अनुपाराज खत्रीले जानकरी दिएका छन।