‘जातका आधारमा दिइने आरक्षण सधैंका लागि अन्त्य गरौँ’

वीर बहादुर वली

लगातारको वर्षापछि हिजो नेपालभरि नै बाढी, पहिरो र डुबानले पुरै देश शोक र पीडामा डुबेको थियो। आज पनि देश सोही पीडामा छटपटाइरहेको छ। नेतादेखि मन्त्रीसम्मका घर गाडी जलमग्न भएका दृश्यहरु समाचारमा आए र चर्चा पनि उस्तै भयो। जानकारीअनुसार देशभर बाढी र पहिरोको विनाशले गर्दा ५० को मृत्यु भएको छ। १० जना घाइते भएका छन् भने २५ बेपत्ता पनि भएका छन्। हजारौं मानिसहरु बाढीको मारमा परेका छन्। पहाडका धेरै गाउँहरुमा पहिरोको जोखिम उस्तै छ। तराईका जिल्लाहरुमा भारतीय पक्षले लगाएको बाँधका कारण हरेक वर्ष हुँदै आएको डुबानको जोखिम यो वर्ष झनै उच्च छ।