उदयपुर– कोरोना भाइरस (कोभिड –१९) को सम्भावित सङ्क्रमणलाई रोक्न नेपाली सेनाले ब्यारेक खाली गरेर क्वारेन्टाइन निर्माण गरेको छ ।

कृपया यो पेज Like गर्नु होला

नेपाली सेनाको १८ नम्बर बाहिनीअन्तर्गत रणशार्दुल गणको उदयपुरको कटारी नगरपालिका १ मा रहेको बेलसोत क्याम्पलाई खाली गरेर क्वारेन्टाइनमा परिवर्तन गरिएको हो ।

प्रदेश १ सरकारले गएको फागुन २९ गते प्रदेशमा कोरोना भाइरसको सम्भावित जोखिम न्युनीकरण गर्न क्वारेन्टाइन निर्माण गर्ने निर्णय गरेको थियो ।

सम्भावित सङ्क्रमण रोक्न न्युनतम स्वास्थ्य मापदण्ड कायम गरेर ब्यारेकको ३४ वटा भवनलाई २ सय बेड क्षमताको क्वारेन्टाइनमा परिणत गरिएकोे हो ।

ब्यारेकमा रहेका नेपाली सेनालाई एक किलोमिटर टाढा अस्थायी टहरा निर्माण गरेर राखिएको रणशार्दुल गण बेलसोत क्याम्पका क्याप्टेन सूर्यबहादुर राईले बताउनुभयो ।

विभिन्न कलस्टरमा विभाजित गरेर महिलालाई बेग्लै र पुरुषलाई बेग्लै राख्नेगरी क्वारेन्टाइन निर्माण गरिएको राईले बताउनुभयो ।

नेपाली सेनाले स्थानीय सरकार र प्रदेश सरकारसँग समेत सहकार्य गरिरहेको १८ नम्बर बाहिनी अड्डाका बाहिनीपति सहायक रथी कृष्ण प्रसाद सापकोटाले जानकारी दिनुभयो ।

तपाईको प्रतिक्रिया